HOME | INFO | KONTAKT   
  BUDUĆNOST – DEČIĆ 2 : 0
 12/04/2009  autor:

  Pobjeda protiv Dečića, ipak, nije dolazila u pitanje ni u jednom momentu, iako su gosti sredinom drugog poluvremena, kod rezultata 1:0, propustili preko Salihua veliku šansu za izjednačenje.
Domaćin je bio raspoložen samo na početku i u finišu predstave, što je bilo dovoljno za dva gola i laganu pobjedu. Bećiraj je imao dvije dobre šanse (prvu čak u 10. sekundi meča nakon centaršuta Petra Vukčevića) prije nego što ga je golman Dečića Vedad Drešević nespretno pogodio u pokušaju da ispuca loptu. Ona se kao od stijene odbila u mrežu - 1:0 za Budućnost.

Do kraja prvog poluvremena “plavi” su imali samo još jedan interesantan pokušaj Burzanovića, da bi u nastavku bukvalno spavali do 73. minuta. Probudila ih je velika šansa Dečića, pa je Delić imao dobru šansu prije nego što je Burzanović izborio i realizovao penal za 2:0.
Gosti su, ako im je to utjeha, protiv Budućnosti ostavili bolji utisak nego Jezero i Jedinstvo, koji su gostovali u prethodnim kolima.
VIJESTI

   © šeher - tuzi 2006 | Hosted by: AmaxHost.com | design & programing by: amaxstudio